ആസ്ട്രോളജി മലയാളം ജ്യോതിഷപഠനം

ജ്യോതിഷ  ക്ലാസ് 139

23 മെയ്‌ 2025

👇👇👇👇

WhatsApp Audio 2025-05-23 at 5

0:00

ജ്യോതിഷ പഠന നോട്ട് 139  :

ഭാവാധിപൻമാരുടെ  ഭാവാശ്രയ ഫലം

ഒമ്പതാം ഭാവാധിപൻ   ലഗ്നം മുതൽ 12 വരെയുള്ള ഭാവങ്ങളിൽ നിന്നാലുള്ള  ഉള്ള ഫലങ്ങൾ 

ഇന്ന് ഒമ്പതാം ഭാവാധിപൻ 7,8,9,10,11,12 ഭാവങ്ങളിൽ  നിന്നാലുള്ള ഫലം

നോട്ട് :

ഒമ്പതാം ഭാവം ഭാഗ്യസ്ഥാനം ആണ് . ഈശ്വരാനുഗ്രഹം ,പിതാവിൻറെ സൗഖ്യം , കഴിഞ്ഞ ജന്മം ,സന്താനങ്ങൾ ,ഐശ്വര്യം അഭിവൃദ്ധി ,സർവോപരി ഭാഗ്യം ,ജാതകത്തിൽ കാണുന്ന ഗുണങ്ങളുടെ അനുഭവ  യോഗം ഇവയെല്ലാം ഒമ്പതാം ഭാവം കൊണ്ട് ചിന്തിക്കണം .

ഒമ്പതാം ഭാവാധിപൻ ഏഴാം ഭാവത്തിൽ    നിന്നാൽ :

ഒമ്പതാം ഭാവാധിപൻ ഏഴാം ഭാവത്തിൽ നിന്നാൽ നല്ല ദാമ്പത്തിക ജീവിതം ആയിരിക്കും .എന്തുകൊണ്ടും അനുയോജ്യമായ ഭർത്താവിനെ / ഭാര്യയെ കിട്ടും .വിവാഹ ശേഷം അഭിവൃദ്ധി ഉയർച്ച എന്നിവ പറയാം . പങ്കാളിത്ത ബിസിനസിൽ ഭാഗ്യമുണ്ടാകും . ജാതകൻ കീർത്തിമാൻ ആകും .പൊതുവെ ഭാഗ്യ വർദ്ധനയാണ് ഫലം   ഒമ്പതാം ഭാവാധിപൻറെ ദശാകാലത്ത്  സാമ്പത്തികപരമായി വളരെ മെച്ചം ഉള്ള ഒരു കാലം ആയിരിക്കും .

ഒമ്പതാം ഭാവാധിപൻ എട്ടാം    ഭാവത്തിൽ നിന്നാൽ :

ഒമ്പതാം ഭാവാധിപൻ അഷ്ടമത്തിൽ നിൽക്കുന്നത് പ്രധാനമായും ഭാഗ്യദോഷം ആണ് .ഈശ്വരാനുഗ്രഹം കുറയും .മാത്രമല്ല പിതാവിനും ദോഷമാണ് .പിതൃ മരണം സംഭവിക്കും . ഉദ്ദേശിക്കുന്ന പ്രോത്സാഹനം കിട്ടില്ല .വിചാരിക്കുന്ന കാര്യങ്ങൾ ഒന്നും നടക്കാതെ വരും

വീടും ബന്ധുക്കളും ഇല്ലാത്തവൻ ആയിരിക്കും , ഉണ്ടായാലും ഇല്ലാത്ത അവസ്ഥ പോലെ തന്നെയാണ് .രോഗങ്ങൾ അലട്ടും പ്രത്യേകിച്ച് ധാതുപുഷ്ടി കുറവ് . എവിടെയും പരാജയവും നിരാശയും ആയിരിക്കും . മുൻജന്മ കർമ്മഫല ദോഷമായിരിക്കും എല്ലാം .

ഒമ്പതാം ഭാവാധിപൻ ഒമ്പതാം   ഭാവത്തിൽ  നിന്നാൽ :

ഒമ്പതാം ഭാവാധിപൻ  ഒമ്പതാം ഭാവത്തിൽതന്നെ നിൽക്കുന്നത് നല്ലതാണ് . സ്വക്ഷേത്രസ്ഥിതി ആണല്ലോ . ധനം ,ഭാഗ്യം ,സമ്പത്ത് ,ഐശ്വര്യം റിയ എല്ലാം ഉണ്ടായിരിക്കും . പ്രത്യേകിച്ച് ഭാഗ്യം ഒരു അനുകൂല ഘടകമാണ്  . പിതൃ സൗഖ്യം  പറയാം .പിതാവിൻറെ ഭാഗത്തുനിന്ന് എല്ലാ സഹായങ്ങളും ലഭിക്കും . നല്ല ദാമ്പത്തിക ജീവിതം ആയിരിക്കും .പൊതുവേ ഒന്നുകൊണ്ടും ദോഷം പറയാനില്ല .

പക്ഷേ ;  ഒമ്പതാം ഭാവാധിപൻ ഒമ്പതിൽ തന്നെ നിൽക്കുകയും കൂടെ ഏഴാം ഭാവാധിപൻ കൂടി യോഗം ചെയ്താൽ ഒപ്പം ശനിയുടെ വീക്ഷണവും ഉണ്ടായാൽ ജാതകൻ ഒരു സന്യാസി ആവുമെന്ന് നിശ്ചയം .

ഒമ്പതാം ഭാവാധിപൻ പത്താം   ഭാവത്തിൽ  നിന്നാൽ :

ഒമ്പതാം ഭാവാധിപൻ കർമ്മ സ്ഥാനമായ പത്താം ഭാവത്തിൽ നിൽക്കുന്നത് പ്രധാനമായും തൊഴിൽ ഗുണത്തെ  ചെയ്യും .കർമ്മ പുഷ്ടി , ഉയർന്ന ജോലി , പ്രത്യേകിച്ച് സർക്കാർ ജോലി , സൈനിക വിഭാഗങ്ങളിൽ ജോലി ,ജനപ്രതിനിധിസഭയിൽ ജോലി എന്നിവ പറയാവുന്ന ലക്ഷണമാണ് .  മാതാപിതാക്കളോട് ബഹുമാനവും ഭക്തിയും ഉണ്ടായിരിക്കും

ഒമ്പതാം ഭാവാധിപൻ പതിനൊന്നാം  ഭാവത്തിൽ  നിന്നാൽ :

ഒമ്പതാം ഭാവാധിപൻ പതിനൊന്നാം ഭാവത്തിൽ നിന്നാൽ എല്ലാവരും മാനിക്കപ്പെടുന്ന വ്യക്തിയായിരിക്കും . സാമ്പത്തികമായി ഉയരാൻ സാധിക്കും , ജല ഭാഗ്യം , ഭാഗ്യ ത്തിലൂടെ  ധനം (ലോട്ടറി /നിധി/ കുറി ) എന്നിവ പറയാം . ജാതകനെ കൊണ്ട് മൂത്ത സഹോദരന് എല്ലാവിധ ഭാഗ്യ പുഷ്ടിയും ഉണ്ടായിരിക്കും .ദീർഘായുസ്സ് ഉണ്ടായിരിക്കും . നല്ല ദാമ്പത്തിക ജീവിതം ആയിരിക്കും, നല്ല സന്താനങ്ങൾ ഉണ്ടായിരിക്കും

ഒമ്പതാം ഭാവാധിപൻ പന്ത്രണ്ടാം    ഭാവത്തിൽ  നിന്നാൽ :

ഒമ്പതാം ഭാവാധിപൻ പന്ത്രണ്ടാം ഭാവത്തിൽ നിന്നാൽ പിതാവിനെ വേർപെടും . ഭാഗ്യത്തിന് വലിയ ഇടി ഒന്നും തട്ടില്ല  . എങ്കിലും  വിചാരിച്ച പോലെ കാര്യങ്ങൾ പെട്ടെന്ന് നടക്കില്ല  . ഉദ്ദേശിച്ച പ്രോത്സാഹനം എവിടെ നിന്നും വേണ്ടത്ര കിട്ടിയെന്നുവരില്ല  .സ്വദേശം വിട്ട് അന്യ നാട്ടിൽ പോകും . അതേസമയം ജാതകൻ സുന്ദരൻ ആയിരിക്കും ,മാത്രമല്ല വിദ്യാഭ്യാസവും വിദേശത്തുനിന്ന് ഗുണം ലഭിക്കുന്നവരുമായിരിക്കും . കുടുംബപരമായി യാതൊരു സ്വത്തും ലഭിക്കുകയില്ല .